នាព្រឹកថ្ងៃពុធ ទី២២ ខែវិច្ឆិកា ឆ្នាំ២០២៣ ឯកឧត្តម ឈិត គឹមយាត អនុប្រធានគណៈកម្មការទី៥ ព្រឹទ្ធសភា និងលោកជំទាវ មុំ សណ្តាប់ បានធ្វើដំណើរទៅកាន់ទីក្រុងម៉ានីឡា សាធារណរដ្ឋហ្វីលីពីន ដើម្បីចូលរួមកិច្ចប្រជុំប្រចាំឆ្នាំ នៃវេទិកាសភាអាស៊ី-ប៉ាស៊ីហ្វិកលើកទី៣១ (APPF-31) ក្រោមមូលបទ “ភាពជាដៃគូមានភាពធន់ ដើម្បីសន្តិភាព វិបុលភាព និងនិរន្តរភាព” ដែលនឹងប្រព្រឹត្តទៅពីថ្ងៃទី២៣ ដល់ថ្ងៃទី២៦ ខែវិច្ឆិកា ឆ្នាំ២០២៣។ សូមជម្រាបថា គណៈប្រតិភូសភាកម្ពុជាចូលរួមកិច្ចប្រជុំនេះ ដឹកនាំដោយឯកឧត្តមកិត្តិសេដ្ឋាបណ្ឌិត ជាម យៀប អនុប្រធានទី១ រដ្ឋសភា ។
ដូចការគ្រោងទុក គណៈប្រតិភូជាន់ខ្ពស់សភានៃព្រះរាជាណាចក្រកម្ពុជា បានអញ្ជើញមកដល់អាកាសយានដ្ឋានទីក្រុងម៉ានីល នៃសាធារណរដ្ឋហ្វីលីពីន នៅវេលាម៉ោង ១៧:៤០នាទី នាថ្ងៃដដែល ប្រកបដោយសុវត្ថិភាព និងត្រូវបានទទួលស្វាគមន៍យ៉ាងកក់ក្តៅពីសំណាក់ថ្នាក់ដឹកនាំសភានៃប្រទេសហ្វីលីពីន និងឯកអគ្គរាជទូតកម្ពុជា ប្រចាំនៅសាធារណរដ្ឋហ្វីលីពីន និងសហការីផងដែរ។

ប្រភព៖ នាយកដ្ឋានទំនាក់ទំនងអន្តរជាតិ
សម្រួលខ្លឹមសារ៖ នាយកដ្ឋានព័ត៌មាន